La Dirección de Salú Mental (Serviciu de Salú del Principáu d’Asturies) en collaboración cola Dirección Xeneral de Salú Pública y Atención a la Salú Mental (Conseyería de Salú) y la Dirección Xeneral d’Acción Cultural y Normalización Llingüística (Conseyería de Cultura, Política Llingüística y Deporte) convoca pa esti 2025 la II Edición del concursu lliterariu de relatos curtios sol títulu “OrgulloSaMente”, que va xirar al rodiu de la Salú Mental; con esta iniciativa pretende contribuyise a la promoción, prevención y defensa de los derechos de les persones con problemes de salú mental.
El tema del concursu va tratar, de forma específica, sobre los derechos de les persones con discapacidá psicosocial, el cuerdismu y estigma social, institucional y personal qu’arrodia a les persones con problemes de salú mental, coles mires d’amosar una visión más realista y positiva, lluchar contra estereotipos, mover conciencies y amenorgar prexuicios.
Van Poder participar toles persones mayores d’edá o menores d’edá con autorización (padre, madre o tutor llegal), de cualquier nacionalidá residentes n’Asturies.
Les categoríes a les que puede optase son les siguientes:
– Categoría xuvenil: mozos de 12 a 18 años
– Categoría adultos: mayores de 18 años
Establécense los siguientes premios pa caúna de les siguientes modalidaes:
a) Categoría Xuvenil:
- Primer premiu: cheque regalo de 600 €, canxeable por material electrónico o escolar n’establecimientu comercial y diploma acreditativu.
- Primer Accésit: cheque regalo de 300 €, canxeable por material electrónico o escolar n’establecimientu comercial y diploma acreditativu.
b) Categoría Adultos:
- Primer premiu: 1.200 € y diploma acreditativu.
- Primer Accésit: 600 € y diploma acreditativu.
Amás de los premiaos, van recibir diploma acreditativu aquelles persones que’l so rellatu tea ente los cinco finalistes de cada modalidá. Los premios van poder ser declaraos desiertos nes sos correspondientes modalidaes.
Los trabayos pueden tar escritos n’español, n’asturianu o en eonaviego, tienen de ser orixinales y nun ser publicaos nin premiaos n’otros concursos. Pa evitar condicionar la llibertá d’espresión del autor/a: va valorase que nel relatu apaezan situaciones que pongan de manifiestu les dificultaes cotidianes para les persones con problemes de salú mental, que comprometen los sos derechos o son discriminatories.
El rellatu tendrá de cumplir les siguientes característiques:
- Va tar escritu a una sola cara, con fonte de testu Arial, en cuerpu de 12 puntos y marxes: 2.5 cm cimeru ya inferior y 3 cm esquierda y derecha.
- El interlliniáu va ser de 1.5 llinies, con espaciados anterior y posterior de párrafos en manera automática.
- La estensión nun va entepasar de 3 páxines, pudiéndose incluyir imaxes, dibuxos o similares.
Los rellatos van tener fecha llende d’unviu del 15 de xunetu de 2025. Nun se va almitir nengún rellatu recibíu fuera d’esti plazu o unviáu a cualesquier otra dirección.
