El Conceyu de Corvera d’Asturies, al traviés de la Conceyalía de Cultura, entama l’II Concursu de microrrelatos “Corveraescribe”. L’oxetu d’esti concursu ye fomentar la lliteratura como forma de participación ente los y les neñes, mocedá y adultos o adultes. Pal concursu esisten tres convocatories, dividíes por segmentos d’edá:
a) Categoría Infantil: Va Poder participar cualquier persona, de manera individual con edaes entendíes ente los 6 y 11 años.
b) Categoría xuvenil: Va Poder participar cualquier persona, de manera individual con edaes entendíes ente 12 y 17 años.
c) Categoría adultos: Va Poder participar cualquier persona, de manera individual con 18 años o más.
Cada concursante va poder presentar hasta un máximu de trés microrrellatos, siendo compatibles les dos modalidaes llingüístiques, yá qu’esiste otra modalidá coles mesmes categoríes pal castellán. Los trabayos presentaos tendrán que ser orixinales ya inéditos, nun pudiendo ser premiaos enantes, nin presentase de forma simultánea a otros certames/concursos.
El microrrelatu tien de contener necesariamente la frase “perdíu na feria del llibru”. Esta frase puede asitiase ónde y cómo se quiera (nun diálogu, de primeres, a la fin del microrrellatu…). Los microrrellatos presentaos nun pueden superar les 350 palabres (nun se van cuntar el títulu nin el pseudónimu).
Establécense los siguientes premios pa les distintes modalidaes llingüístiques y categoríes d’edá:
a) Categoría Infantil (6-11 años): Un únicu premiu que consiste nun vale de compra valoráu en 50 euros.
b) Categoría xuvenil (12-17 años): Un únicu premiu que consiste nun vale de compra valoráu en 50 euros.
c) Categoría adultos (18 años o más): Un únicu premiu de 200 euros (impuestos incluyíos)
Los microrrellatos van poder presentase al traviés de corréu electrónicu, o bien, en papel. Nel casu de presentase per corréu electrónicu, tendrá d’unviase un corréu electrónicu a la siguiente dirección “cultura@ayto-corvera.es”, teniendo de figurar nel asuntu del corréu “Pal concursu de microrrelatos Corveraescribe”. Nel corréu electrónicu van incluyise los siguientes documentos axuntos en formatu pdf:
1) Un documentu pdf col microrrelatu. El nome del documentu va ser “Títulu del microrrelatu y seudónimu”.
2) Un documentu pdf cola plica. El nome del documentu va ser “Plica y seudónimu”. Tendrá qu’incluyir los siguientes datos personales: Nome y apellíos, DNI (en casu de tenelo), seudónimu, modalidá llingüística y categoría d’edá na que participa, y-mail y teléfonu de contactu.
3) Nel casu de que los participantes seyan menores d’edá, tamién se va incluyir un documentu pdf con una autorización para concursar, debidamente rellenada y roblada d’alcuerdu al modelu.
Nel casu de presentase en papel, podrán apurrise en cualesquier de les Biblioteques de Corvera (Les Vegues, Los Campos, Cancienes y Trasona). Nesti casu, van presentase dos sobres:
1) Un sobre col microrrelatu, teniendo d’apaecer nel mesmu’l títulu del microrrelatu y el pseudónimu.
2) Un sobre cola plica, na que tendrán d’apaecer los siguientes datos: Nome y apellíos, DNI (en casu de tenelo), seudónimu, modalidá llingüística y categoría d’edá na que participa, y-mail y teléfonu de contactu.
El plazu de presentación de solicitúes va rematar el 11 d’abril de 2025.
El Xuráu que va proponer el fallu del concursu va tar formáu por reconocíos escritores y/o críticos lliterarios (Inaciu Galán, Esther Prieto y Héctor Iglesias) que van valorar la calidá de los trabayos presentaos. Dichu xuráu va emitir propuesta de fallu, que va ser resueltu por alcuerdu de la Xunta de Gobiernu Local.
