El Premiu Nacional de Lliteratura Asturiana, entamáu pola Academia de la Llingua Asturiana, reconoz la trayeutoria y la calidá d’una obra o autor destacáu na lliteratura n’asturianu. Nació col enfotu de dar visibilidá y prestíu al llabor creador na nuesa llingua. Cada edición pon en valor la riqueza y la diversidá del panorama lliterariu asturianu. El galardón ye un símbolu del compromisu col fortalecimientu cultural d’Asturies. Col so otorgamientu, l’Academia reafirma’l so papel como referente na defensa y promoción del asturianu.
El premiu tien calter triañal y cuenta con una dotación económica de 6.000 €, nun pudiendo xebrase en más d’un autor o autora y nun pudiendo declarase ermu nin concedese a títulu póstumu.
Podrán presentar candidatures al premiu L’Academia de la Llingua Asturiana, les entidaes culturales y llingüístiques asitiaes nel territoriu asturianu y nes comunidaes asturianes nel esterior y cualquier de los miembros del xuráu.Les propuestes fairánse al traviés d’escritu dirixíu a l’ALLA, onde se conseñen losméritos lliterarios de la persona propuesta, xunto a una amuesa representativa de la so producción escrita (ente 50 y 70 páxines). Les propuestes que cumplan estos requisitos almitiránse y rexistraránse na Secretaría Téunica de la institución hasta’l día 12 d’avientu del 2025 nel so horariu d’atención al públicu.
Premiaráse al conxuntu de toa una trayeutoria lliteraria, fecha a lo llargo del tiempu en llingua asturiana o eonaviega, y a la so contribución a la dignificación social del patrimoniu llingüísticu asturianu.
La llista d’autores que recibieron esti premiu hasta la fecha ye la siguiente:
I Premiu Nacional de Lliteratura Asturiana, 2017: Xuan Bello Fernández (Paniceiros, 1965-2025)
II Premiu Nacional de Lliteratura Asturiana, 2020: Xuan Xosé Sánchez Vicente (Xixón, 1949)
III Premiu Nacional de Lliteratura Asturiana, 2023: Lourdes Álvarez García (L’Agueria d’Urbiés, 1961)
Les bases completes y más información sobre’l premiu tán disponibles equí.
, Xuan Xosé Sánchez Vicente (2020) y Lourdes Álvarez (2023).){kind=link}