L’Ayuntamientu de Nava ta acabante d’espublizar les bases de la nueva edición del concursu de rellatu curtiu «N@vactua» pa obres lliteraries que la so llinia argumental tenga rellación cola violencia nel entornu familiar.
Nel concursu va haber dos categoríes:
- Categoría Promeses, acutada a toles persones menores d’edá, esto ye, con un máximu de 17 años (inclusive) a fecha del plazu de fin de presentación de les obres, con premiu de 300€.
- Categoría Lliteratu, na que s’inclúi les persones participantes mayores d’edá a fecha del plazu de fin de presentación d’obres, con premiu de 700€.
Van Poder participar nesti concursu según la Categoría, toes aquelles persones con residencia n’España qu’apurran un relatu curtiu escritu en llingua española o llingua asturiana, que sía propiu ya inéditu y que nun fuera galardonáu n’otru certame lliterariu nin publicao en soportes físicos y/o de formatu dixital.
Namá podrá unviase un relatu por autor o autora y van tener que tener les siguientes característiques:
• Categoría Llliteratu, llimítase la estensión de les obres a un máximu de quince páxines y un mínimu de cinco en tamañu din-A4 mecanografiaos a una sola cara, interlliniáu doble y tipu de fonte “Times New Roman” a un tamañu de 12 puntos.
• Categoría Promeses, llimítase la estensión de les obres a un máximu de quince y un mínimu de dos folios din-A4 mecanografiaos a una sola cara, interlliniáu doble y tipu de fonte “Times New Roman” a un tamañu de 12 puntos.
L’unviu de los rellatos va poder facese presencialmente nel Ayuntamientu de Nava, a la dirección Ayuntamiento de Nava. Plaza Manuel Uría n.º1 (C.P. 33520) Nava-Asturias o per corréu lletrónicu a navactua@ayto-nava.es
