L’escritor y activista Víctor Suárez comparte al traviés d’esta plataforma un rellatu de ciencia ficción col envís de «facevos un poco más agradable la cuarentena». El rellatu, tituláu «L’incidente», foi ganador na categoría d’asturianu estándar nel XVI Concursu Cuentos Curtios de Cangas del Narcea.
L’autor anima a los llectores a compartilu y comentalu nel corréu victorspinero@gmail.com o en Twitter, citando la so cuenta @VitorSuarez.
Víctor Suárez Piñero (Uviéu, 1988) ye maestru, escritor, traductor y activista en favor del conocimientu llibre y los derechos llingüísticos del asturianu. Dende 2006, ye miembru destacáu de la versión asturiana de la Wikipedia. En 2011 foi miembru fundador y vicepresidente d’Iniciativa pol Asturianu. Tien collaborao con medios de comunicación como la RPA y La Voz de Asturias.
Nel ámbitu de la traducción el so trabayu más destacáu ye La Rexenta, publicáu en 2018 pola editorial Saltadera y nel lliterariu tien estudiao’l papel de la ciencia ficción n’asturianu pa la revista Lliteratura de l’Academia de la Llingua Asturiana y tamién ganó dellos premios lliterarios como’l de Cuentos Curtios de Cangas del Narcea.
Descarga equí’l rellatu: Víctor Suárez – L’incidente
