A mious pas
El xelu de la madrugada
de tolos vuesos enviernos,
nu enfrióu la reciprocidá
que tenedes cuña tierra que llabrades.
Las mañanas chuviosas
nu amatan la fogueira
del llume de los branos
que llivades a los vuesos llombos.
El puelvu llevantáu por torbolinos
nu ciega’l vuesu esfuerzu.
Las tardes ardientes de sudor
nu abrandan los callos de las vuesas manos.
Los payeiros chenos
de carros cargaos de sacrificiu,
fecienon posible
que sentáu a la vuesa mesa
ñunca me faltara
un pucheiru chenu de sopas.
