Agora que les voces nun glayen,
nesti delitu d’alcordances
separto les manes del coral
pa dexar salir la pantasma de l’ausencia.
Agora que tastio’l dulce sabor
de la batalla ganada
ye cuando esbillo les migayes
d’esta victoria algamada.
Yá dexo ralures en blanco
nesti que ye’l llibru la mio vida,
yá nun fai falta guardar
tolo que nun tenía salida.
Agora que les voces nun glayen
doime cuenta que siento otres
-amoriaes, gayasperes, sollertes…-
que nun puedo, que nun quiero
dexar que callen.
