Esti mes de febreru cumpliéronse 125 años de la muerte d’unu de los grandes poetes de la hestoria de les Lletres Asturianes, Xuan María Acebal. ¿Qué sabes d’él?. Vamos conocelu un pocoñín, con 🔟 datos sobre la so vida y obra. ⤵️
1️⃣ Morrió nel mesmu mes de 1895 que Tiadoro Cuesta, otru gran poeta n’#asturianu del momentu, muncho más popular que l’eruditu Acebal. Nos periódicos del momentu consideróse catastrófico pa la llingua asturiana, que perdía a los sos dos autores principales con pocos díes de diferencia.⤵️
2️⃣ El so poema «Cantar y más cantar» ye, acordies colo estudiao por Antón García, el poema más vegaes editáu de tola lliteratura asturiana. ⤵️
3️⃣ Los sos contemporáneos llamáronlu «Príncipe de los Poetes Bables» y «Patriarca del Bable» pola importancia de la so obra y la so figura. ⤵️
4️⃣ D’ideoloxía carlista, participa de forma destacada na vida social y cultural de l’Asturies del so tiempu. En 1883 ye xuráu, xunto a Aramburu y Clarín, de los Xuegos Florales organizaos pola Sociedá Económica d’Amigos del País. ⤵️
5️⃣ Ye amigu del obispu Manuel Fernández de Castro, traductor del Evanxeliu según San Matéu al #asturianu (nel que ye probable qu’Acebal collaborare). Esti dedíca-y un exemplar de los 250 impresos en Londres pol Príncipe Luciano Bonaparte, sobrín de Napoleón. ⤵️
6️⃣ Ye’l segundu autor que conocemos como traductor d’una obra d’otra llingua al #asturianu, tres Xusto Amandi. Y esa torna faila dempués de que Menéndez Pelayo dixera que nesta llingua nun yera posible espresar a Horacio. Dende’l llatín torna Beatus Ille en 1878. ⤵️
7️⃣ Como uvieín foi defensor de la conservación del carbayón que dio’l nome a los pobladores d’#Uviéu y que se valtó en 1879 pa enanchar la cai Uría. Conservó delles cañes del árbol coles que fixo un marcu pa una semeya del mesmu. ⤵️
8️⃣ Foi autor d’un Diccionariu d’#asturianu que güei entá ta inéditu, magar qu’Antonio García Oliveros tuvo accesu a parte de los sos conteníos pal so Diccionario Bable de la Rima en 1947. ⤵️
9️⃣ Ñació na cai L’Águila, güei xusto frente a onde s’asitia l’Academia de la Llingua Asturiana. Ellí tenía la panadería El Molinón, güei abierta con esi nome como chigre. Ellí buscaba les últimes modernidaes tecnolóxiques. Fixo por desendolcar un procesu pa obtener gas de la magaya de la mazana al faer sidra.⤵️
🔟 En 1995, coincidiendo col 100 aniversariu de la so muerte el @GobAsturias dedicó-y la Selmana de les Lletres Asturianes. Amás el principal premiu de poesía n’#asturianu lleva’l so nome. ⏺
