El poeta xixonés Diego Solís va presentar la so última obra lliteraria, «Volvemos en 6 minutos», en Ribeseya el 21 de marzu, día nel que se celebra el Día Mundial de la Poesía. L’actu va entamar a les 18:30 hores na Biblioteca de Ribeseya Enriqueta González Rubín. Amás, va tar acompañáu pol autor Xandru Martino.

Volvemos en 6 minutos ye un llibru de Diego Solís completamente innovador: colos spots que nos arrodien fai una obra poética qu’axunta tradición, cultura pop y una visión única de la realidá dende’l filu conductor d’un zapping televisivu.

El llibru, amás de tar organizáu d’esta manera conceptual, pue lleese o sintise, yá que los poemes van en cada páxina con un códigu QR nel que pue sintise al autor recitando les composiciones. Amás, el proyectu sofítase nes illustraciones de la diseñadora gráfica Inés H., inspiraes nos poemes del autor. Poesía que se llee y se siente, qu’entretién y emociona, que forma parte de la lltieratura pero tamién del mundu qu’habitamos: poesía total.

Artículos venceyaosMás del autor