La XVI Edición del Concursu de rellatos mineros Manuel Nevado Madrid, convocáu pola Fundación Juan Muñiz Zapico de CCOO d’Asturies en 2019 yá tien premiaos y premiaes. Un añu más el concursu ye una referencia cultural, lliteraria y reivindicativa de la colectividá minera.
El certame sigue siendo un concursu únicu nel mundu pola so temática puramente minera en llingua asturiana y castellana. El xuráu tuvo compuestu pol catedráticu de lliteratura Benigno Delmiro Coto, presidente del mesmu. Al pie d’Ana María García García, Ángel Enrique Fernández González, Álvaro Granda Cañedo, Idoya Unzueta García, Eduardo Urdangaray y Antonio González Abúlez.
El Primer Premiu recayó nesta ocasión nun rellatu n’asturianu, tituláu «Caliente» de Denis Soria Fernández, mientres que l’Accésit Asturianu foi p'»Avientu-18″ de Roberto Xosé Fernández. L’Accésit Mozu recibiólu «Mateo» d’Elisa Palacios Moreta de 17 años y l’Accésit Testimoniu Hestóricu foi p'»A.P.», de David Villar Cembellín.
La calidá de los rellatos presentaos foi resaltada pol xuráu per aciu la mención, nes sos respectives categoríes, a otros 10 rellatos:
Mención Especial n’asturianu a «Hai de tener memoria», de Secundino Díez Menéndez.
Menciones Especiales Testimoniu Hestóricu pa «ESCRITOS EN EL VIENTO» de Jesús Roca Roja. «Pues lo del 34, corazones…» de Montserrat Garnacho Escayo. «Castillete» de José Manuel Regal García.
Hebo tamién menciones Especiales en castellán a «Cabeza alta» de Francisco Álvarez González, «En el dolor de la vida» de Ramón Llanes Domínguez, «La mina cada mañana», de Manuel Maurín Álvarez. «Breve nedo por El Entrego» d’Alfonso Castro Herrero, «Menú del día» d’Alberto Menéndez García y «Retrono a Ítaca» de Pablo Ferreiro Alonso.
