L’escritor avilesín Francisco Priegue presenta «Chemtrails surden na mio boca» en L’Infiestu esti xueves 20 de xunu a les ocho la taerde, na Casa Cultura de la capital piloñesa. L’actu va presentalu’l músicu y tamién escritor Maxi Areñes.
EL LLIBRU
Llámense chemtrails les esteles que surden al lliberar nel aire determinaes sustancies químiques o biolóxiques. Según teoríes conspiratives, inflúin na creación de patrones climáticos anómalos pa controlar el mediu ambiente y la salú de la población mundial.
Treslladando esa imaxe a poesía, con un ciertu bagaxe surrealista, Francisco Priegue constrúi un llibru sobre l’alteración de la realidá, tanto la personal como la colectiva.
Son trenta poemes los que nos apurre nesti primer premiu «Antón de Marirreguera» de
poesía, más otru que se forma al axuntar los primeros versos de cada poema, nel índiz
del llibru.
