Los prósimos díes 5,6 y 7 de payares van desarrollase les XXI Xornaes Lliteraries na villa de Pravia, organizaes pola Asociación d’Escritories d’Asturies.
Estes xornaes tienen a lo llargo d’estos trés díes una montonera d’actividaes culturales enfotaes na lliteratura infantil y xuvenil. Nel so programa podemos alcontrar actividaes pa los escolares, ponencies, conciertos, meses redondes, esposiciones y hasta un micru abiertu, amás de visites a llugares esenciales na hestoria praviana.
Ente los ponentes s’alcuentren Inaciu Galán, Mª Esther García López, Óscar Recio y representantes de delles editoriales enfotaes nel mercáu xuvenil ya infantil, ente otros.
Xunto con estes xornaes, hai otres delles actividaes programaes, como los Llibros viaxeros, el V Concursu rexonal de caligrames o el Muséu del Maxín.