Los díes 15 y 16 de Marzu, representantes de 16 asociaciones d’escritores y escritores de toa España y qu’escriben nes sos distintes llingües (español o castellán, euskera, catalán, gallegu y asturianu), constituyeron, nel Espaciu Santa Clara”, de la ciudá de Soria, la Conferencia d’Asociaciones d’Escritores y Escritores. La elección de la ciudá pa constituyir la Conferencia ye un homenaxe de les entidaes que van conformar la Conferencia al poeta Antonio Machado nel 85 Aniversariu del so esiliu y la so muerte pola significación que tuvo la ciudá na so obra y nel espardimientu universal d’una poesía fondamente comprometida cola dignidá personal y colectivo y colos derechos humanos.
Dende 2016, eses entidaes vinieron celebrando, con calter añal, a iniciativa de l’Asociación
Colexal d’Escritores y col patrociniu de CEDRO, un Alcuentru Estatal (en Madrid y en Alcalá de Henares) pa valorar los grandes asuntos y demandes qu’afecten, dende’l puntu de vista profesional y de cumplimientu de la Llei de Propiedá Intelectual, a escritores, traductores y autores dramáticos de tol país. La Conferencia, asina, va constituyise nuna plataforma estable de coordinación de les citaes entidaes énte les distintes Alministraciones. En Soria van tar representaos los casi 9.000 escritores, traductores y dramaturgos que formen parte d’elles y les aspiraciones de tol colectivu autoral.
Toles asociaciones fundadores de la Conferencia participaron viviegamente nes iniciatives que nos últimos años el mundu de la cultura, especialmente de la cultura escrita, punxeron sobre la mesa, empezando pola Plataforma Siguir Creando, nacida en 2015 pa defender los intereses de el ceadores énte les sanciones que’l gobiernu d’entós impunxo a escritores y traductores xubilaos, dalgunos bien conocíos, por siguir creando y percibiendo derechos d’autor dempués de la xubilación. Aquella llucha, con gran repercusión mediática, desaguó na redacción del Informe sobre l’Estatutu del Artista, aprobáu por unanimidá pol Congresu de los Diputaos y que la so concreción y desenvolvimientu vienen realizándose, non ensin dificultaes, dende abril de 2019. Nel so borrador recuéyese, de manera prioritaria, la esixencia de culminación del citáu Estatutu, col plenu cumplimientu de los compromisos establecíos en materia de compatibilidad pensiones-derechos d’autor, d’una cotización especial n’autónomos que, amás, contemple la intermitencia, mesmo qu’una fiscalidá que contenga un capítulu d’ingresos derivaos de la propiedá intelectual”.
Tamién se va esixir el cambéu de la norma que traspone a la nuesa lexislación la directiva europea sobre Derechos d’Autor nel Mercáu Únicu Dixital y la “fayadiza” retribución a autores y periodistes polos usos de los sos conteníos n’Internet, según l’actualización, averándolo a los países más avanzaos de la Unión Europea, de les tarifes por préstamu bibliotecariu, talmente que ardíciese d’ello’l colectivu autoral.
Otres demandes plantegaes son: el reforzamientu de los niveles de tresparencia nel procesu de vienta de los llibros; la esixencia de compensación económica a escritores y periodistes pola collaboración nos medios de comunicación, sían en papel o dixitales, y pola participación n’actos culturales d’instituciones y entidaes privaes; l’articulación d’un tratamientu fiscal, que beneficie a el autores, a los llibros en dominiu públicu o la creación,
nel ámbitu xudicial, d’una xurisdicción de Propiedá Intelectual.
