A partir d’esta selmana yá puedes atopar disponible una nueva edición, n’asturianu y castellán, del álbum ilustráu «La mochila de Valeria», un cuentu escritu por Natalia Sánchez Santa Bárbara, atleta y concejala del PSOE nel Conceyu d’Uviéu, ya ilustráu pol artista plásticu Toño Velasco, que rellata la hestoria de Valeria, una neña que con apenes un añu recibió un tresplante de migollu y tuvo que lluchar contra’l cáncer, cuando entá casi nun empezara a vivir.
María Luisa Otero Vega foi la encargada de traducir al asturianu «La mochila de Valeria» y de nuevu, dende Pintar-Pintar, collaboremos nel so procesu d’edición.
Una hestoria conmovedora y enllena de llecciones de valentía y esperanza. Narrar les esperiencies de persones que llucharon contra enfermedaes graves, como’l cáncer, inspíranos y ayuda a concencianos sobre la importancia de la donación de migollu y la investigación médica.
