Trabe ta acabante sacar al mercáu ‘Diccionariu de consultes llingüístiques del asturianu’, obra llamada a ser de referencia imprescindible fecha pol profesor Ramón d’Andrés como resultáu d’años d’estudiu y d’esperiencia como falante, docente y escritor, vien a responder de manera cómoda y rápida eses dudes concretes que s’apoderen a menudo de quien se manda del asturianu.
Diccionariu de consultes llingüístiques del asturianu ye un trabayu que tien l’oxetu de facer del procesu de conocimientu y d’escritura n’asturianu una xera fácil y poco enguedeyosa. Si daquién s’avera al asturianu col aquel de conocer la norma, ha consultar dellos códigos de referencia: Normes ortográfiques, Gramática de la llingua asturiana y Diccionariu de la llingua asturiana, obres de l’Academia de la Llingua Asturiana. Por embargu, esta obra, fecha pol profesor Ramón d’Andrés como resultáu d’años d’estudiu y d’esperiencia como falante, docente y escritor, vien a responder de manera cómoda y rápida eses dudes concretes que s’apoderen a menudo de quien se manda del asturianu. Esti Diccionariu ye una ferramienta bien útil pa estudiantes, profesores, periodistes y, en xeneral, pa toa persona enfotada n’ameyorar el conocimientu y dominiu del asturianu a nivel prácticu tanto na fala como per escrito.
Ramón d’Andrés (Madrid, 1959) ye filólogu especializáu n’asturianu. Miembru de l’Academia de la Llingua Asturiana, profesor titular de la Universidá d’Uviéu y miembru del RIDEA, los sos estudios tán venceyaos sobre manera a aspectos gramaticales y sociollingüísticos del asturianu. Traductor del catalán y d’otres llingües, collabora en dellos periódicos y ye autor d’artículos divulgativos.
