El xueves 4 de xunetu, a les 20 hores na Casa Cultura de Santuyano, en Bimenes, va presentase’l llibru Todo a cien. 100 lletres de 100 cantares, del músicu –fundador de Los Berrones– y escritor Tante Blanco.
El llibru, asoleyáu por Saltadera Ediciones, recueye cien lletres de cien cantares escritos por Tante a lo llargo de delles décades, a les que se-yos amesta un comentariu alredor de les circunstancies que les vieron nacer. Esta ye una más de les actividaes que s’inxerten nel programa de la XXIII Fiesta de la Oficialidá de la Llingua Asturiana, qu’entama’l Conceyu de Bimenes.
En Todo a cien, glosaes por Blanco, recueye un centenar de les sos lletres, n’asturianu (la mayor parte) y castellán, onde dexa ver la so capacidá pa captar y reproducir la llingua viva de la cai y pa reflesionar sobre l’actualidá en composiciones brillantes y fresques, apegadiegues.