El XIV Concursu de micro-rellatos n’asturianu «L’Horru del Carbayedo» yá tien ganadores. El xuráu tuvo formáu por Miguel Solís Santos (escritor, dibuxante y miembru de l’ALLA), Susana Sela Rodríguez (escritora y esperta en cultura tradicional asturiana) y Rafa R. Valdés (escritor y normalizador).
El primer Premiu (500 € y troféu) foi pa «Ruíu», presentáu col nomatu «Meteco», que resultó ser de Xuan Trenor Allen, afincáu en Sabadell, Barcelona. El segundu (300 € y troféu) foi pa «KUDOKOSHI», presentáu col nomatu «Pilín», que resultó ser l’escritor xixonés Xosé Nel Riesgo Fernández.
La esposición de los rellatos presentaos y l’actu d’entrega premios (xunto cola lletura de los cuentos premiaos), ta previstu pal 18 d’avientu nel Auditoriu de la Casa Municipal de Cultura, tuvieron de suspendese poles torgues de Sanidá, daes les restricciones d’espacios y d’eventos motivaes pola Covid 19. Los premios entregaránse en privao en fecha por determinar.