Ta abierta la convocatoria pa presentase al IX Concursu Lliterariu de la Universidá d’Uviéu, na doble modalidá de rellatu curtiu y poesía, pa obres n’asturianu y castellan.
Pueden participar nesti concursu alumnos y alumnes matriculaos en cualesquier de les enseñances impartíes en centros propios de la Universidá d’Uviéu. Podrá presentase una única obra a cada modalidá del concursu, escrita en castellán o asturianu. La tema va ser llibre y les obres tendrán de ser orixinales ya inédites, y nun ser premiaes n’otru certame lliterariu.
El rellatu curtiu ha tener un mínimu de 50 folios y un máximu de 70, per una sola cara en formatu word, fonte 12, interlliniáu 1,5. Pue tratase d’un únicu rellatu o d’un conxuntu d’estos. En poesía, la estensión mínima de 400 versos y máxima de 800, por una sola cara en formatu word, fonte 12, interllináu 1,5.
Cada modalidá va tar dotada con un únicu premiu de 2.000 euros. Les obres gallardonaes van ser editaes pol Serviciu de Publicaciones de la Universidá con una primer tirada de 250 exemplares, un 10% va apurrise al ganador de cada modalidá.
Les obres tendrán de presentase hasta’l 10 de xunetu de 2019 en cualesquier rexistru de la Universidá d’Uviéu, o per cualesquier de los medios almitíos na llei 30/1992. van presentase en dos sobres zarraos, cola inscripción “Concursu Lliterariu Universidá d’Uviéu”, señalaos como “A” y “B”.
