Si tabes pensando en participar nel Certamen de poesía POEX20, anunciámoste que, pola mor de les consecuencies derivaes del Covid-19, amplíase’l plazu pa presentar los poemes hasta’l 15 d’abril.
Recordámoste que pueden participar tolos alumnos y alumnes matriculaes en centros educativos de Xixón nos cursos d’Educación Secundaria Obligatoria, Bachilleratu y Ciclos Formativos nel cursu 2019-2020. Nel concursu, establécense dos modalidaes: una de poesía n’asturianu y otra en castellán.
En dambes categoríes la estensión máxima ye de 20 versos nel formatu estándar de Word. Un solu estudiante puede presentar un poema inéditu a cada modalidá. Los seis autores finalistes lleerán los sos poemes el domingu 10 de mayu nel actu de llectura d’Antonio Gamoneda, Premiu Nacional de Poesía 1988, Premiu Cervantes 2006, Europan Prize for Literatura 2006 y Premio Reina Sofía de Poesía 2006.
