Dende’l mediu «El Búscolu» llancen el primer concursu de rellatos “Hestories y anécdotes de los nuesos pueblos” col que se pretende dar difusión y visibilidá a los grandes héroes del pasáu, a partir del ecu que fai la sociedá nestos difíciles momentos de los héroes sanitarios, el personal de supermercaos, tresportistes, etc., y de la solidaridá de la xente dende les sos cases.
Si quies aprovechar el confinamientu, esta ye la to oportunidá. Garra les anécdotes de los héroes anónimos del to pueblu o de dalgún pueblín que conozas y nárrales pa que nun caigan nel olvidu. El plazu tará abiertu hasta’l 15 d’abril, y pueden unviase tantes hestories como quieras, tanto en llingua asturiana como en castellana, a la direición elbuscolu@gmail.com.
El ganador va decidise al traviés d’un sortéu y tendrá como premiu un vale de 60 € pa usar en cualesquiera de los patrocinadores del mediu.
¡Nun dexes de participar pa que nun s’escaezan eses bones hestories!
