L’Ayuntamientu de Mieres, al traviés de la conceyalía de Mocedá que dirixe Vanesa García, informa de que ya se publicó nel Boletín Oficial del Principáu d’Asturies (BOPA) l’estractu de la convocatoria de la 19 edición del Certame de Rellatu Curtiu Eugenio Carbajal, lo que supón l’apertura del plazu pa la presentación d’orixinales, que va rematar el 30 de payares. Esti certame, ún de los pocos premios lliterarios reservaos a xóvenes menores de 30 años convocaos n’Asturies, ta dotáu d’un premiu de 1.500 euros y convirtióse nos últimos años nuna referencia, adquiriendo una importante proyección nacional ya internacional y recibiendo orixinales, n’español o asturianu, dende distintos puntos del mundu.
Tola información sobre esta convocatoria y les sos bases puede consultase nel siguiente enllaz de la páxina web municipal (https://www.mieres.es/cultura/concursos-certamenes-premios/certamen-relato-corto-eugenio-carbajal/) y nel Boletín Oficial del Principáu d’Asturies (BOPA) del 14 de setiembre de 2021. N’elles pueden consultase tolos detalles sobre’l certame y la presentación de trabayos, que deben unviase a la Oficina Joven, situada na Casa de Cultura de Mieres. La entrega del premiu va realizase nun actu públicu mientres la programación especial organizada con motivu del Día del Llibru.
