Chíscame
d’esa amnesia que precisé p’abrazar,
pa volver a querer.
Pártime
como si esti sentimientu
fuera un troquel,
ensin maña,
ensin memoria,
ensin xuxurrios…
Abrázame
a plenu pulmón,
vuélvite lloca,
(el mio mundu nunca foi cuerdu)
avanza por impulsos
suena como una orquesta
con razones ensin destreza.
Pápame
anque,
dacuando,
el mio mieu,
piense que namás sías orbayu…
pero enlléname d’esti sol
que yo nun pienso si tu sorríes.
Entrín y non
sigamos inventando daqué que surdió,
piensa
que dalgunos fabriquen equilibriu,
otros
retozamos ente reblincaes.
