La canal de YouTube asturiana y familiar Crónicas d’Asturies ta acabante de dar anuncia del so I Certame de microrrellatos n’asturianu. Les bases pa poder particpar son les siguientes:
- Van poder presentase a esti concursu de microrellatos toes aquelles persones que residan n’Asturies y que sepan, a lo menos, lleer y escribir n’asturianu.
- Caún de los concursantes va poder presentar un máximu d’un microrellatu.
- Los testos tienen que tar ambientaos n’Asturies. Amás de ser orixinales ya inéditos, tienen que tar escritos n’asturianu normalizáu o en cualesquier de les sos variedáes (oriental, central y occidental), y nun pueden tar premiaos con anterioridá o n’espera de resolución en nengún otru certame lliterariu.
- La estensión máxima de cada testu será de 300 pallabres.
- Los participantes han unviar el so microrrellatu al corréu ellectrónicu cronicasdeasturies@gmail.com enantes del 18 d’avientu a les 23:59h en formatu PDF y depués d’haber contestao a toles entrugues formulaes nel cuestionariu.
- El xuráu va tar compuestu por trés persones espertes en llingua y lliteratura asturiana y el so fallu va ser inapellable.
- Establezse un únicu premiu pal microrrellatu ganador consistente nun llote de llibros n’asturianu valoráu en 300€.
- La información rellativa al ganador y la entrega del premiu, comunicaráse al traviés de les redes sociales oficiales de la nuesa canal de YouTube
Pa inscribise, ha rellenase la inscripción nesti enllaz.