Naguar por sentir
les manes enllenes de feríes,
los pies con cristales n’ellos.
Quedar ensin aliendu.
Naguar por cayer valtáu
depués de correr descalzu
ente les ortigues,
ente les piedres.
Naguar por llorar
bañame en llárimes,
glayar hasta quedar afogáu.
Naguar por lluchar,
da-y un golpe,
face-y sangrar.
Naguar por espurrime,
por tar de pies
col airón besándome na piel.
Naguar por ganar
depués de sentir,
depués de cayer,
depués de llorar,
depués de lluchar.
