Nel marcu de la 42 Selmana de les Lletres Asturianes, la Dirección Xeneral de Política
Llingüística y l’Institutu Asturianu de la Mocedá entamen Entaína a escribir. VI Concursu de
microrrellatos improvisaos n’asturianu pa la xente mozo, nel que van poder participar quienes tengan ente 14 y 35 años d’edá y s’inscriban mandando un corréu a cridj@asturias.org. Nesi corréu tendrán d’incluyir namás el so nome, dos
apellíos y fecha de nacimientu. Les inscripciones van poder facese hasta’l 5 de mayu del
2021 a les 14.00 hores.
El concursu va consistir na ellaboración d’un microrrellatu nun tiempu máximu de 20
minutos, a partir del tema ya indicaciones que’l xuráu dicte nel momentu d’empezar a
escribir.
El concursu va desenvolvese en LLABoral Centru d’Arte y Creación Industrial de Xixón, el vienres 7 de mayu del 2021, a partir de les 18.30 hores.
Toles persones participantes van recibir un llibru como regalu y van concedese trés premios consistentes en llotes de llibros y discos.
Amás, el ganador o ganadora va participar como xuráu nos premios Culturaquí 2021 que
convoca l’Institutu Asturianu de la Mocedá. Otra manera, la Dirección Xeneral de Política Llingüística va mirar pola promoción y divulgación de los microrrellatos ganadores y va poder incluyilos en publicaciones o antoloxíes qu’edite.
