La XV Edición del Concursu convocóla la Fundación Juan Muñiz Zapico en 2018 y cuntó con 100 participantes. Un añu más el concursu ye una referencia cultural, lliteraria y reivindicativa de la coleutividá minera. Sigue siendo un concursu únicu nel mundu de llingua castellana y llingua asturiana pola so temática puramente minera. El xuráu tuvo compuestu pol catedráticu de lliteratura Benigno Delmiro Coto, presidente del mesmu, xunto a Ana María García García, Ángel Enrique Fernández González, Álvaro Granda Cañedo, Idoya Unzueta García, Eduardo Urdangaray y Antonio González Abúlez.
El primer premiu recayó nel rellatu «Roceanu» d’Armando Gutiérrez Rodríguez. L’Accésit Asturianu para «El pagu» de Juan Trenor Allen. L’Accésit Mozu (pa menores de 26 años) foi p’Andrés Navaja Ortega por «Ruido del 34» y l’Accésit Testimoniu Históricu foi para Mayte Blasco Bermeyu por «Iquique, 1907».
La calidá de los rellatos presentaos foi resaltada pol xuráu por aciu la mención, nes sos respectives categoríes, a otros 10 relatos. Una Mención Especial Moza pa María del Mar Imaz Montes por «La conspiración del óxido», Menciones Especiales n’Asturianu a Lucia Cortina García por «L’embaxador», a Cristina García Valdés por «Elles» y a Andrés Suárez Velázquez por «La semeya». Tamién Menciones Especiales Testimoniu Históricu pa «Aguafuerte» d’Armando Gutiérrez Rodríguez y «El diario de Víctor Segovia» d’Isabel García Viñao. D’últimes, hebo tamién Menciones Especiales en castellán p’Ana Belén Hernández González por «De mayor quiero ser», a Rosendo Gallego Menárguez por «33 mineros», a Gabino Busto Hevia por «Última jornada» y a Mateo O’Boyle por «El palo».
Los rellatos pueden lleese na páxina web de la Fundación Manuel Nevado Madrid.
