La Conseyería de Cultura, Política Llingüística y Turismu del Principáu d’Asturies ta acabante de dar anuncia de les obres lliteraries n’asturianu que van ser promocionaes de cara al añu 2023. En total, 39 obres de 11 editoriales diferentes van recibir el sofitu del gobiernu.
Ente les obres a promocionar alcontramos una montonera de xéneros: lliteratura xuvenil, narrativa, lliteratura fantástica… Amás, la traducción, que vive un bon momentu, va ser de nueves el xéneru más espublizáu, con obres d’autores bien reconocíos como J.K. Rowling, Oscar Wilde, Roald Dahl, los hermanos Grimm o John Steinbeck.
A la convocatoria presentáronse 91 solicitudes de concesión, una cifra qu’amuesa la bayura y el bon momentu que vive la lliteratura asturiana, onde tamién ta presente la xente mozo, como por casu una torna de Xaime Martínez o’l númberu 19 de la revista Formientu.
