Les asociaciones culturales Reflexu y Guah.es Terribles tán acabantes de dar anuncia de la nuevá actividá que van desenvolver en comuña. Trátase de «Voces al abellugu», un alcuentru-recital lliterariu nel que van tar presentes dellos y delles autores del panorama poéticu asturianu.
L’alcuentru qu’entamen estes dos asociaciones fadráse esti domingu, 27 de payares, y tien previsto empecipiar a les 19:00 hores nel Chigre musical L’Abellugu (Cai Ramón y Cajal, 13, Mieres del Camín).
Pel micro del recital van pasar autores como Laura Marcos, Inaciu Galán, Alma Hidalgo, Raúl Alonso, Alba Llaneza, Samuel Isaac o Solinca Turbón. Amás d’ello, va haber micro abiertu, polo que toa persona que-y apeteza lleer va tener unos minutos pa facelo.
