Caletrada la sentencia que mos recueye anguaño,

l’anguaño de la espera y la galbana;

presento, contentu y allegre,

esti indecorosu poema.

 

Asoleyando estos versos y pallabres,

col sentir que me dea pola gana…

a min, y non al que llee o escucha…;

atalanto, dígolo nidio y restallante,

que’l clixé ye del que pon el nome,

y non del que lu recibe.

 

Paecen válides ciertes pallabres,

otres tan arrequexaes al escurantismu

del estereotipu normativu

al que paecen pertenecer.

 

Ai probitín del que cree facer baremos

de lo que nun paez nin tan siquier entender.

 

Escribamos llibres de fumos,

que los fumos los lleva’l vientu;

aguantar, aguanto bien…

la tristura del panfletu.