Ediciones Radagast presentó estos díes “Fecho na cuarentena”; un volume de más de venti rellatos n’asturianu, castellán y gallego-asturianu de baldre que pue descargase na so páxina. Nun tien “Fecho na cuarentena” l’envís de querer ser nin un “referente”, nin un “testigu d’un fechu hestóricu” como ye’l d’esta cuarentena. «Quier ser más, cenciellamente, una propuesta pa lleer en casa, un llibru d’emerxencia pa una situación d’emerxencia, una manera de llevavos a casa ensin tener que picar a la puerta una migayina de les lliteratures asturiana, castellana y gallegoasturiana», espliquen dende la editorial.
Fecho na cuarentena ye un conxuntu de rellatos n’asturianu (17), castellán (10) y gallegu-asturianu (1). Nel volume axúyntense cuentos y rellatos pa tolos públicos y de tolos xéneros.
Los autores presentes nesti volume son: Laura Marcos, Guillermo Antuña, Félix Fernández, Noelia S. García, Alba Carballo, Blanca Fernández, Claudia G. Rivas, Paula Pulgar Alves, Paula Pulgar Alves, Eva del Fresno, Víctor Suárez, Cristina B. Rabanedo, Téver Díaz, Nicolás Velasco, Pepín Fernández, Juan Sebastián Quintero Santacruz, Arancha Prado, Marco Granda, Ángel Lago Villar, Inaciu Galán, Nicolás Bardio, María Luz Pontón, Héctor Pérez Iglesias, Miguel Rodríguez Monteavaro, Lluis Aique Ilesies Fernández y José Ángel Gayol.
