Del color la seronda
cuerres pel monte,
tres los robezos que cuerren
cuando como llobu los sigues.
¡quién pudiera ser perru como tu:
siempre queríu y guapu!
Pero nun ye too folixa
na vida del Trasgu:
tien un trabayu:
cuidar a mio güelu.
Güelito sabe que’l Tras
ye’l so guardián,
que cuando nun hai naide
siempre va sentir
la so mirada d’ablana
dende la cama
p’ayudalu con miemu perrunu.
Xuntos fueron felices:
tomaben el vinu
xuntos.
Diben de paséu
xuntos.
Víen la tele
xuntos.
Pero col tiempu
nun apetecía tanto’l vinu
el paséu fízose más curtiu
y la tele paecía mas aburida,
hasta que llegó’l día la despidida
y el Tras quedó güérfanu.
Güérfanu de trabayu
dedicóse a folgar per Xixón
tres los perros en San Llorienzu
y ser un can cosmopolita.
Too yeren
llargos paseos pel Muru,
llargues escursiones al monte.
Y col tiempu
los paseos acurtiaron,
les escursiones facíense cansaes,
hasta que’l perru guardián
necesitó un protector.
Como mio güelu,
dambos dieron la vida polos demás,
pero dambos,
por mui fuertes que fueren,
por muncho que trabayaren,
por muncho que corrieren,
necesitaron el so compañeru guardián, compañeru.
