Esti vienres 20 d’avientu aconceyó’l xuráu del XIII Concursu de microrrellatos n’asturianu «L’Horru del Carbayedo», qu’entama l’Asociación de Vecinos El Horreo. Tuvo formáu por Miguel Solís Santos, escritor, dibuxante y miembro de l’ALLA, Susana Sel, escritora y esperta en cultura tradicional asturiana, y Verónica Fueyo Alcedo, hestoriadora, investigadora na etnografía asturiana y traductora.
Decidieron entregar el primer premiu d’esta edición, 500 euros y troféu, al rellatu «El güelu» (presentáu col nomatu «Valdesoto»), que resultó ser del escritor avilesín Fernando Martínez Rodríguez, que tamién foi ganadora l’anterior edición del gallardón.
El segundu premiu, 300 euros y troféu, foi pa «L’amor perdíu», presentáu col nomatu «Nel Filo», tres el que taba la escritora de Mieres, Laura Marcos Domínguez.
Tolos rellatos, premiaos y no premiaos, van presentase al públicu nuna esposición na Factoría Cultural (Avda. Portugal, 13, Avilés), del 8 al 10 de xineru de 2020. L’actu d’entrega premios, xunto cola lletura de los cuentos premiaos, va facese’l vienres, 10 de xineru, na Sala Escénica de la Factoría Cultural, a les 19:00 hores, (xusto enantes d’entamar la obra «Cipriano, cura de pueblu”, que va presentar nel mesmu llugar, el grupu de teatru Carbayín, col sofitu de la Estaya de Normalización Llingüística del Conceyu d’Avilés.
Llistáu de ganadores del premiu
2007 Rubén d’Areñes por La Siya de Delfina
2008 Elma Sánchez Vega por La última voluntá
2009 Constante Álvarez por Cunta una llienda
2010 Yose Álvarez-Mesa por El médicu
2011 1ᵉʳ premiu: Pablo Rodríguez Medina por Pol amor d’una muyer | 2ᵘ premiu: Víctor Suárez Piñero por Vaya peles ánimes
2012 1ᵉʳ premiu: Laura Marcos Domínguez por Cleo en Cerbere | 2ᵘ premiu: Marisa López Diz por Montenegro
2013 1ᵉʳ premiu: Ánxel Álvarez Llano por Colección | 2ᵘ premiu: Yose Álvarez-Mesa por El mayordomu
2014 1ᵉʳ premiu: Inaciu Galán y González por 8:43 | 2ᵘ premiu: Luis Manuel Suárez Fernández por Soledá de luxe
2015 1ᵉʳ premiu: Ricardo Luis González Ordoñez por Perspeutives | 2ᵘ premiu: Luisa Méndez Fernández por ‘Coses de la tensión’
2016 1ᵉʳ premiu: Ánxel Álvarez Llano por Billete d’ida y vuelta | 2ᵘ premiu: Inaciu Galán y González por L’enemigu
2017 1ᵉʳ premiu: Raquel F. Menéndez por La cazadora | 2ᵘ premiu: Féliz Fernández Rodríguez por Les llavanderes de Fontecaliente
2018 1ᵉʳ premiu: Fernando Martínez Rodríguez por Nueche | 2ᵘ premiu: Paquita Suárez Coalla por El patriota.
2019 1ᵉʳ premiu: Fernando Martínez Rodríguez por El güelu | 2ᵘ premiu: Laura Marcos por L’amor perdíu.
