Xuan Xosé Vicente Sánchez asoleya en Ediciones Trabe un nuevu volume del so trabayu Diccionariu asturianu-castellanu. Nesta segunda edición fáense delles correcciones o precisiones, añédense munches nueves definiciones a les palabres yá esistentes y auméntase’l númberu de vocablos. Vien presentáu en dos tomos –(A-F) / (G-Z)–, que lu faen más afechiscu, prácticu y remanable pa quien d’él quiera mandase.
Xuan Xosé Sánchez Vicente (Xixón, 1949) ye escritor prolíficu y de variada xera: poeta, narrador, creador de testos teatrales, ensayista, estudiosu de la lliteratura asturiana y articulista agudu y reflexivu. Cofundador de Conceyu Bable y miembru de l’Academia de la Llingua Asturiana, recibió d’esta institución el Premiu Nacional de Lliteratura Asturiana nel añu 2020. Esti Diccionariu asturianu-castellanu qu’agora presentamos nuna segunda edición sigue’l mesmu conceptu y apériase colos mesmos criterios que l’anterior, pero amás fáense delles correcciones o precisiones, añédense munches nueves definiciones a les palabres yá esistentes y auméntase’l númberu de vocablos. Too ello da-y a esta obra una mayor utilidá, facilitándo-y al usuariu mesmo’l so manexu como’l conocimientu del asturianu.
