La Conceyalía de Cultura de Xixón, “nel so enfotu por favorecer y promover la creación lliteraria n’asturianu, al tiempu facer alcordanza de la figura del escritor xixonés y la so querencia pola llingua de nueso y pola so normalización social”, convoca la primer edición del Premiu de Novela Curtia Andrés Solar Santurio.
Les obres habrán tener una estensión mínima de 90 y una estensión máxima de 150 páxines. El plazu de presentación d’orixinales va entamar al otru día de la publicación de les bases nel BOPA y va rematar el 26 de setiembre de 2021, Día européu de les llingües.
Van poder optar al premiu les obres inédites escrites en llingua asturiana que nun se premiaren enantes en nengún otru concursu. Los y les autores van responder de l’autoría y orixinalidá de la novela que presenten al premiu y de que nun ye copia nin modificación d’obra ayena.
La presentación d’orixinales va poder facese al traviés d’Internet o per corréu postal, siguiendo les instrucciones qu’apaecen nes bases.
El premiu ta dotáu con 3.000 €, acutándose’l drechu de publicar n’esclusiva la primer edición de la obra premiada’l Coceyu de Xixón y dando por retribuyíos col premiu los derechos d’autor d’esta primer edición.
