A tódalas víctimas de
Plaça de Catalunya (Barcelona)
Calle,
decidimos soñar mayu na calle,
vistimos mayu de palabras,
llevantéimos manos pol tiempu
que llevábamos creyendo
qu’esto nun yera un sueñu.
Pintamos llibros nas paredes,
recitamos democracia nel suelu,
exercemos el derechu de participar,
gritamos la obligación de nun callar.
Pero xugábais a nun vos enterar de nada,
NUNCA
baxastis de los vuesos torrexones
a ver como aniciaba
la indignación
de los que sufren los güelpes
que dais a la decencia.
Ou seique sí,
por eso las vuesas palabras
visten uniformes azules
y los diccionarios que repartís
están tan chenos d’odiu
como vacios de sentíu.
Mostrábanvos frores
y la vuesa ceguera
devolvía la violencia
que protexe la vuesa mentira,
mentira que chamáis democracia,
esa, que tarde o templanu
alcanzará’l atributu de real
y entoncias
la xusticia volverá a chamase xusticia,
las cárceles chenaránse con vós
y por fin,
despuéis de tantu tiempu
la nuesa voz
tendrá
votu.
